धनुषा , १८ बैशाख//
धनुषामा मोटरसाइकल दुर्घटनामा परेर एकजनाको मृत्यु भएको छ । मृत्यु हुनेमा महोत्तरीको बर्दिबास नगरपालिका–७ किसाननगरका सन्जीव श्रेष्ठ रहेका छन्।
शनिवार साँझ ढल्केवर—जनकपुरधाम सडकखण्डमा मिथिला नगरपालिका– २ नक्टाझिजमा ढल्केबरबाट जनकपुरधामतर्फ आउँदै गरेको प्रदेश २–०२–००२प ३०५३ नम्बरको मोटरसाइकल अनियन्त्रित हुँदा दुर्घटना भइको प्रहरी निरीक्षक बेचन यादवले जानकारी दिए ।
मोटरसाइकल दुर्घटनामा गम्भीर घाइते भएका श्रेष्ठको जनकपुरधामस्थित प्रादेशिक अस्पतालमा उपचारका क्रममा मृत्यु भएको हो ।
यस सम्बन्धमा थप अनुसन्धान भइरहेको इलाका प्रहरी कार्यालय महेन्द्रनगरले जनाएको छ ।
