रौतहट , २४ बैशाख //
नेपाली कांग्रेसका नेता एवम् रौतहट क्षेत्र नंबर ४ का संघीय सांसद देव प्रसाद तिमल्सिनाले कांग्रेसका आधिकारिक उम्मेदवारहरूलाई चुनाव चिन्ह ‘रुख’मा मतदान गरेर विजयी बनाउन जनतासंग आग्रह गरेका छन् ।
शुक्रबार चन्द्रपुर ६ मा आयोजित चुनावी कार्यक्रमका क्रममा सांसद तिमल्सिनाले कांग्रेसका उम्मेदवारहरूलाई विजयी बनाउन अनुरोध गरेका हुन् ।
कांग्रेसको राम्रो माहौल रहेको वडा नम्वर ६ का उम्मेदवार नेत्र कुस्वारलाई विपक्षीको भन्दा दोब्बर मतान्तरले विजयी गराउन सांसद तिमल्सिनाले सम्पूर्ण वादवासिलाई आग्रह गरेका छन् ।
उनले सातै छाप रुख चिन्हमा मतदान गरी पार्टीका सम्पूर्ण उम्मेदवारलाई मतदान गर्न मतदातासँग अपिल समेत गरेका छन् ।
उनले स्वतन्त्र उम्मेदवारी दिएका कांग्रेसका नेताहरूलाई उम्मेदवारी फिर्ता लिएर आधिकारिक उम्मेदवारलाई सहयोग गर्न समेत आग्रह गरेका छन् ।
