रौतहट २१,बैशाख । स्थानीय तह निर्वाचनको मिति नजिकिए सँगै नेकपा माओवादी केन्द्र चन्द्रपुर वडा नं ६ ले आफ्नो घरदैलो अभियानलाई तीव्र रूपमा सन्चालन गरिरहेको छ । बैशाख ३० गते हुने निर्वाचनमा धेरै भन्दा धेरै मत ल्याउन वडाका प्रत्येक घरघरमा पुग्ने उद्देश्यले घरदैलो अभियानलाई तीव्र पारिएको वडा नं ६ का उम्मेदवार सहदेव केसीले जानकारी दिए ।
घरदैलो अभियान मार्फत प्रत्येक वडा बासिको घरदैलोमै पुगेर मत माग्दा वडामा रहेका समस्या र मतदाताको आवश्यकता बुझ्न अझ सजिलो भएको वडा अध्यक्षका उम्मेदवार केसी ले बताए ।
गत स्थानीय निर्वाचनमा थोरै मतान्तरले पछाडी परेर हारे बेहोरे पनि निरन्तर सामाजिक काममै व्यस्त रहदै आएका कारण मतदाताको सकारात्मक प्रतिक्रिया पाएको र यसबाट आफू जित्नेमा ढुक्क रहेको समेत केसीले बताए ।
घरदैलो अभियानमा वडा अध्यक्ष उमेदवार केसी सहित वडा सदस्यहरू सृजना श्रेष्ठ,केशव राई,श्रीकान्त चौधरी,दिलमाया बिश्वकर्मा लगायत वडा कमिटी, पार्टि सदस्य, शुभचिन्तक, स्थानीयको सहभागीता रहेको छ ।
