रौतहट ,१९ बैशाख //
नेपाल कम्युनिष्ट पार्टी माओवादी केन्द्रले आफ्नो चुनावी अभियानलाई तिव्र बनाएको छ । माओवादी केन्द्रबाट चन्द्रपुर नगरपालिकाको नगर प्रमुखमा खिल नाथ पौडेल(हरी) र उपप्रमुखमा देवकी नेपाल मैदानमा उत्र्का छन्।
सोही अनुसार आइतवार माओवादी केन्द्र चन्द्रपुर नगरपालिकाको वडा नं. ४, ६, ८ र ९ का केही टोलहरुमा घरदैलो कार्यक्रम गरेको छ । कार्यक्रममा मेयरका उमेदवार हरी पौडेलले यतिखेर जताततै विगतका काम हेरेर आजित भएका जनताले माओवादी केन्द्रले केही गर्छ कि भन्ने आशाको नजरले हेरेको पाइएकोले अव उनीहरुको आशालाई पुरा गर्ने प्रतिबद्धता समेत व्यक्त गर्नुभयो ।
घरदैलो कार्यक्रममा आफ्नो भनाई राख्नुहुदै उपमेयरकि उम्मेदवार देवकी नेपालले महिला, बालबालिका, दलित,पीछडावर्ग,विपन्न वर्गको मुक्ति, हक अधिकार दिलाउने सवालमा माओवादी केन्द्रको योगदान रहेकोले पनि अव जनता माओवादी केन्द्रतर्फ आकर्षित भइरहेको बताउनुभयो ।
वडा नं. ४ मा भएको घर दैलो कार्यक्रममा वडा अध्यक्षका उम्मेदवार डिम कुमार दुलाल(विनोद) सहित सवै सदस्यहरु, स्थानीय वडावासी र पार्टीका कार्यकर्ताहरुको उपस्थिति रहेको थियो भने वडा नं. ६ मा वडा अध्यक्षका उम्मेदवार सहदेव केसी लगायत सम्पूर्ण वडा सदस्यका उम्मेदवार र स्थानीयवासीको बाक्लो उपस्थिति रहेको थियो ।
त्यसैगरी वडा नं. ८ मा वडा अध्यक्षका उम्मेदवार जंग बहादुर थापा लगायत सम्पूर्ण वडा सदस्यहरु र सयौं वडावासीको सहभागिता रहेको थियो भने वडा नं. ९ मा माओवादी केन्द्रका प्रकाश चौलागाई र सम्पूर्ण वडा सदस्यहरु, पार्टीका कार्यकर्ता एवम् वडावासीको सहभागिता रहेको माओवादी केन्द्रका चेत बोलखेले जानकारी दिनुभयो ।
उता नेकपा माओवादी केन्द्र चन्द्रपुर वडा नं. २ ले गाउटोलमा पार्टीको झण्डा राख्ने काम गरेको छ । वडाका सम्पूर्ण गाउटोलहरुमा पार्टीको झण्डा राखेर गाउ नै हसिया हथौडामय बनाएको दिनेश थापाले बताउनुभयो ।
