रौतहट , ६ बैशाख //
बैशाख ३० गते भएको स्थानिय निर्वाचनमा चन्द्रपुर नेकपा माओवादी केन्द्रका दूईजना वडा अध्यक्ष दोहोरिएका छन् । चन्द्रपुर २ मा दुत बहादुर थिङ र ३ बोधनाथ देवकोटा दोस्रो कार्यकालको लागि वडा अध्यक्षमा पुन : दोहोरिएका हुन्।
वडा नम्वर ३ का वडा अध्यक्ष देवकोटाले पहिलो पटक लाल बहादुर दोङसंग १३ मतले जित हासिल गरेका थिए । यो चुनावमा देवकोटाले १ हजार ३ सय ९१ मत ल्याउदा उनका पुरानै प्रतिस्पर्धी दोङले १ हजार ३ सय ११ मत प्राप्त गरेका छन् । दोङ भन्दा ८० मत बढी ल्याएर देवकोटा विजयी भएका छन् ।
यस्तै वडानं २ मा पनि दुत बहादुर थिङले आफ्ना पुरानै प्रतिस्पर्धी लाई पाखा लगाउदै विजयी भएका छन् । थिङले २ हजार १ सय १ मत ल्याई विजयी हुँदा पुरानै प्रतिस्पर्धी कल्याण कुस्वारले १ हजार ७ सय ७२ मत ल्याएका छन् ।
उता चन्द्रपुर नगरपालिका वडानं ७ मा पनि नेपाली कांग्रेसका बिष्णु प्रसाद उप्रती दोस्रो कार्याकालका लागि वडा अध्यक्षमा बिजयी भएका छन् ।
उनले नेकपा एमालेका उम्मेदवारलाई पाखा लगाउदै दोस्रो कार्याकालका लागि बिजयी भएका हुन् ।
उनीहरुले स्थानीय स्तरमा गरेका राम्रो कामका कारणनै उनीहरुलाई जनताले पत्याएको स्थानीयको भनाइ रहेको छ ।
