रौतहट , ६ जेठ //
रौतहटको कटहरिया नगरपालिका वडानं ३ का वडा अध्यक्षमा नेकपा एमालेका श्यामाकान्त यादव विजयी भएका छन्। उनले काग्रेसका उम्मेदवार आफ्नै काकालाई हराउंदै विजयी भएका हुन्।
उमेश यादव लाई १ सय ४० मतको अन्तरले पराजित गरि श्यामाकान्त यादव वडा अध्यक्षमा निर्वाचित भएका हुन् । स्यामाकान्तले ७ सय २७ मत प्राप्त गरेका छन् भने उनको निकटतम प्रतिद्वन्द्वी निबर्तमान वडाध्यक्ष तथा उम्मेदवार उमेश यादवले ५ सय ८७ मत पाएका छन् ।
नवनिर्वाचित वडा अध्यक्ष श्यामाकान्त उमेशका आफ्नै दाईका छोरा हुन । २०७४ को निर्वाचनमा कांग्रेस बाट उमेश यादव वडा अध्यक्षमा बिजयी भएका थिए भने तत्कालीन माओवादीको टिकटबाट चुनाव लडेका स्यामाकान्त यादव पराजित भएका थिए ।
