सर्लाही , ८ जेठ //
सर्लाहीको बरहथवा नगरपालिकाको मेयरमा नेकपा एमालेकी कल्पना कटुवालको अग्रता कायमै छ ।
निर्वाचन अधिकृतको कार्यालयले मतगणनास्थलबाट सार्वजनिक गरेको विवरण अनुसार कटुवाल ३ हजार ३ सय ६० मतले अगाडि छिन् । उनले ८ हजार २ सय ५८ मत पाएकी छिन् ।
कटुवालका निकटतम प्रतिस्पर्धी निवर्तमान मेयर नेकपा माओवादी केन्द्रका देवानन्द महतोले ४ हजार ८ सय ९८ मत प्राप्त गरेका छन् । तेस्रो स्थानमा रहेका नेपाली कांग्रेसका विगुप्रसाद चौधरीले ४ हजार ३ सय १६ मत ल्याएका छन् ।
अग्रता बढाउँदै लाँदा एमालेकी कटुवाल मेयरमा निर्वाचित हुने सम्भावना बढ्दै गइरहेको छ ।
