पर्सा , १८ चैत //
वीरगञ्जबाट मोटरसाइकल चोरी गरी भाग्दैँ गरेको अवस्थामा तीन जनालाई प्रहरीले पक्राउ गरेको छ ।
पक्राउ पर्नेहरुमा काठमाडौँ महानगरपालिका १८ का ३४ वर्षीय कमल गिरी, भरतपुर महानगरपालिका १५ बस्ने १९ वर्षीय निशान थापा र वीरगञ्ज महानगरपालिका १५ निवासी १८ वर्षीय सन्दीप घिमिरे रहेका छन्।
वीरगन्ज महानगरपालिका २७ बस्ने मुन्ना अन्सारीको ग्यारेज भित्र पार्किङ गरिएको साइन मोटरसाइकल चोरी गरी भाग्ने क्रममा तीनै जनालाई पक्राउ गरिएको पर्सा प्रहरीले जनाएको छ।
प्रदेश २–०३–००२ प ५९३७ नम्बरको चोरीको मोटरसाइकल र रेञ्च, छेनी, हतौडा, पेचकस, साँचो सहित हिरासतमा लिएको पर्साका प्रवक्ता डिएसपी ओमप्रकाश खनालले जानकारी दिए। प्रारम्भिक अनुसन्धानबाट उनीहरूले ग्यारेजको ताल्चा फुटाई मोटरसाइकल चोरी गरेको खुलेको उनले बताए
पक्राउ परेका तीनै जनामाथि यसबारे थप अनुसन्धान भइरहेको जिल्ला प्रहरी कार्यालय पर्साले जनाएको छ ।
