सप्तरी , २२ चैत //
सप्तरीमा मदन भण्डारी स्मृति फुटबल प्रतियोगिता हुने भएको छ।
जिल्ला फुटबल संघ सप्तरी र न्यु त्रियुगा स्पोर्ट्स क्ल्ब फत्तेपुरको आयोजना तथा माननीय सत्यनारायण मन्डल को साम्सदिय बिकास कोष को आर्थिक सहयोगमा सप्तकोसी नगरपालिका फत्तेपुरमा मदन भण्डारी स्मृति फुटबल प्रतियोगिता चैत्र २५ गते देखि शुरु हुन लागेको हो।
सो प्रतियोगितामा राष्ट्रिय स्तरका खेलाडीहरु सहभागी ८ वटा टिमहरु ले सहभागिता जनाउने आयोजकले जनाएको छ।
जिल्ला फुटबल संघ सप्तरीका महासचिब अमर खवासका अनुसार प्रतियोगितामा आयोजक ११ , दमक फुटबल एकेडेमी झापा , इटहरी फुटबल क्लब सुनसरी, डागिहाट फुटबल क्लब मोरङ , गाइघाट फुटबल क्लब उदयपुर, सहलेस फुटबल क्लब सिराहा, एपीएफ फुटबल क्लब महोत्तरी, बागमती युवा क्लब सर्लाही फुटबल क्लब सहभागिता जनाउने छन् ।प्रतियोगितामा पहिलो दोस्रो हुने टिम लाइ क्रमशः नगद रु दुइ लाख र एक लाख नगद सहित ट्रफि प्रमाणपत्र मेडल प्रदान गरिने खवासले जानकारी दिए।
प्रतियोगितामा सार्वाधिक गोल कर्ता ,उत्कृष्ट खेलाडी म्यान अफ दि म्याच ,बेस्ट गोल किपर लाइ समेत पुरस्कृत गरिने छ।
