जनकपुरधाम , १९ चैत //
जनकपुर जयनगर रेल आज (शनिबार)देखि संचालन हुने भएको छ ।
भारतको नयाँ दिल्ली स्थित हदराबाद भवनबाट दुई देशका प्रधानमन्त्रीले संयुक्त रुपमा जनकपुर जयनगर रेल्वेको समुदघाटन गर्ने कार्यक्रम रहेको छ ।
उदघाटन पश्चात आजदेखि नियमित जनकपुर जयनगर रेल यात्रुसहित सञ्चालनमा आउने छ ।
प्रधानमन्त्री शेरबहादुर देउवा र भारतीय प्रधाधनमन्त्री नरेन्द्र मोदीले १२ बजेर २० मिनेटमा संयुक्त रुपमा भर्चुअल मार्फत बटन थिचेर तथा झण्डा हल्लाएर रेलको समुदघाटन गर्ने नेपाल रेल्वे कम्पनीका महाप्रवन्धक निरञ्जन झाले जानकारी दिए।
रेल समुदघाटनको लागि जयनगर स्टेशन र जनकपुरधाम स्टेशनमा प्रोजेक्टरका साथै, मञ्च र पण्डाललले सजाइएको छ ।महाप्रवन्धक झाले उदघाटनका लागि सम्पूर्ण तयारी पूरा भएको बताए ।
