रौतहट , १५ बैशाख //
आगामी बैशाख ३० मा हुने स्थानीय तह निर्वाचनको लागि मनोनयनपत्र दर्ता भएको उम्मेदवारको नामावली आज ( बिहिबार )प्रकाशन हुनेछ ।
गत आईतबार र सोमबार दर्ता भएको उम्मेद्वारविरुद्व परेको उजुरीमाथि निर्वाचन आयोगले जाँचबुझ गरि आज साँझ ६ बजे नामावली प्रकाशन गर्न लागेको हो ।
भोलि १६ वैशाख साँझसम्म उम्मेदवारले मनोनयन फिर्ता लिन सक्नेछन् भने उम्मेदवारको अन्तिम नामावली शुक्रबार नै प्रकाशन हुनेछ ।
१७ गते मात्रै उम्मेदवारहरूलाई निर्वाचन चिह्न प्रदान गरिने निर्वाचन आयोगले जनाएको छ ।
७५३ स्थानीय तहमा ३५ हजार २ सय २१ पदका लागि १ लाख ५२ हजार ४६५ जनाले उम्मेदवारी दिएका छन् ।
