सिरहा , ८ बैशाख //
सिरहामा बस र ट्रक आपसमा ठोक्किदाँ ३१ जना घाइते भएका छन् ।
पूर्वपश्चिम राजमार्ग अन्तर्गत सिरहाको गोलबजार नगरपालिका ४ चोहर्वामा जन्ती बोकेर फर्किरहेको ना ६ ख ८२०१ नम्वरको बस र सोही विपरित दिशाबाट आइरहेको को. १ ख ५४३४ नम्बरको ट्रक एका आपसमा ठोक्किदाँ दुर्घटना भएको प्रहरीले जनाएको छ ।दुर्घटनामा दुवै गाडीका चालकसहित ३१ घाइते भएका हुन्।
दुर्घटनामा परेर घाइते भएका सबै जनाको स्थानीय लाइफ लङ्ग हस्पिटल र गोलबजार हेल्थ केयर सेन्टरमा उपचार भइरहेको जिल्ला प्रहरी कार्यालय सिरहाले जनाएको छ । उनीहरु स्वास्थ्य अवस्था सामान्य रहेको प्रहरीले जनाएको छ ।
घटनाबारे थप अनुसन्धान भइरहेको जिल्ला प्रहरी कार्यालय सिरहाले जनाएको छ ।
