सर्लाही , २१ चैत //
सर्लाहीमा नयाँ प्रमुख प्रहरी उपरीक्षक (एसपी) प्रविण पोखरेल आएका छन्।
प्रहरी प्रधान कार्यालय मातहत रहेको योजना तथा अन्वेषण शाखाबाट काजमा खटिएका पोखरेल आईतबार साँझ सदरमुकाम मलंगवास्थित जिल्ला प्रहरी कार्यालयमा आइपुगेका हुन् ।
उनलाई कार्यालयमा सर्लाहीका प्रहरी नायव उपरीक्षक (डीएसपी) माधव प्रसाद बुढाथोकीसहित अन्य प्रहरी अधिकृत र प्रहरी कर्मचारीले स्वागत गरेका छन् । एसपी पोखरेलले जिल्ला प्रहरी प्रमुखको कार्यभार समेत आईतबार साँझ नै सम्हालेका छन् ।
प्रहरी प्रधान कार्यालयले गत बुधबार सर्लाहीका प्रहरी उपरीक्षक (एसपी) कृष्ण प्रसाईको पाँच महिनामै योजना तथा अन्वेषण शाखा काज सरुवा गरी त्यहीँ कार्यरत एसपी पोखरेललाई सर्लाहीमा काज सरुवा गरेको हो ।
