रौतहट , ९ बैशाख //
रौतहटको सम्पूर्ण स्थानीय तहमा निर्वाचन अधिकृतको कार्यालय स्थापना गरिएको छ ।बिहिबार कार्यालयले निर्वाचन कार्यकतालिका सार्वजनिक गरेको छ ।
आगामी वैशाख ३० गते हुने स्थानीय तहको निर्वाचनलाई केन्द्रत गरेर आयोगले बिहीवार देशभरका ७५३ वटै स्थानीय तहमा निर्वाचन कार्यालय खोलेको हो ।
सदरमुकाम बाहेकका ठाउँमा गउपालिका तथा नगरपालिकाको कार्यालय नजिकै निर्वाचन अधिकृतको कार्यालय स्थापना गरिएको निर्वाचन आयुक्त ईश्वरीप्रसाद पौड्यालले बताए ।
यस्तै निर्वाचन आयोगका प्रवक्ता शालिकराम शर्मा पौडेलले निर्वाचन अधिकृतको कार्यालय स्थापनापछि उम्मेदवारको मनोनयनदेखि निर्वाचित भएको घोषणा समेत सोहि कार्यालयले गर्ने बताए ।
काठमाडौंमा राष्ट्रिय सभागृहमा मुख्य निर्वाचन अधिकृतको कार्यालय स्थापना गरिएको तथा निर्वाचनको सम्बन्धमा कुनै प्रकारको सुरक्षा चुनौती नभएको आयुक्त रामप्रसद भण्डारीले जानकारी दिए ।
