रौतहट , १९ चैत //
इन्धन अभाव हुने चिन्ताले रौतहटको पेट्रोल पम्पहरुमा सवारीको लाइन लागेको छ।
ढुवानी व्यवसायीहरुले आफ्नो माग पुरा नगरेको भन्दै पेट्रोलियम पदार्थको धुवाई ठप्प पारेपछि पेट्रोल पम्पहरुमा सवारीको लाइन लागेको हो।
नेपाल आयल निगमसंग कमिसन माग गर्दै व्यवसायीहरुले आजबाट देशभर पेट्रोलयम पदार्थको ढुवानी ठप्प पारेका हुन्। योसंगै बजारमा पेट्रोल ,डिजेल ,मट्टीतेल र ग्यासको अभाव हुन सक्ने देखिएको छ।
आयल निगमले इन्धन खरिद गर्ने भारतीय डिपो र नेपालस्थित निगमको डिपोबाट डिलरले खरिद गर्ने सबै प्रकारको पेट्रोलियम पदार्थको ढुवानी रोकिएको नेपाल पेत्रिओलियम ढुवानी महासंघका महासचिव विश्व अर्यालले जानकारी दिए।
