रौतहट १४ बैसाख / आउँदो बैशाख ३० गते हुने स्थानीय तह निर्वाचनका लागि उम्मेदवारी दर्ता गराएका रौतहटका उम्मेदवारहरु घरदैलो अभियानमा जुटेका छन् ।
गाउं–गाउंका मतदातालाई आफ्नो पक्षमा रिझाउन उम्मेदवार घर दैलो अभियान सुरु गरेका हुन् ।
आइतबार र सोमबार मनोनयन दर्ता गरेका दलका उम्मेदवारहरु मंगलवारदेखि मत माग्दै जनताका घरदैलोमा पुग्न थालेका छन् ।
राजनीतिक दलका उम्मेदवारहरुले आ–आफ्ना एजेण्डा लिएर जनताको घरदैलामा जान सुरु गरेका छन् ।
विभिन्न दलका उम्मेदवार अहिले आफ्नो पार्टीको घोषणापत्र र कार्यसूची बोकेर मतदाताका घर–घरमा पुग्न थालेका छन् भने कोही अझ पुग्ने तयारीमा लागेका छन् भने स्वतन्त्र उम्मेदवारहरु आफ्नो व्यक्तिगत एजेण्डा सुनाउँदै मतदातासँग मत माग्न थालेका छन् ।
स्थानीय तह निर्वाचनका लागि उम्मेदवारी मनोनयन दर्ताको समय सकिएपछि रौतहटमा विभिन्न राजनीतिक दलले आ–आफ्ना चुनावी अभियानलाई ग्रामीण क्षेत्रहरुमा केन्द्रित गर्न थालेका छन् ।
चन्द्रपुर नगरपालिकाका उमेदवारहरु घरदैलोमा ब्यस्त हुन थालेका छन उनीहरु आफना मतदाताहरुलाइ भेटन थालेका छन । नेकपा एमालेका नगर प्रमुख उमेदवार शिव प्रसाद आचार्यले पनि घरदैलो कार्यक्रमलाइ तिब्रता दिएका छन । बुधबार चन्द्रपुर नगरपालिका वाड नं. ८ को बसन्तपुर र बनरझुला गाउका मतदाताहरुलाइ भेटेको नगर प्रमुख उमेदवार शिब प्रसाद आचार्यले जानकारी दिएका छन । मतदाताहरुको सक्रियता देखेर आफु उत्साहित भएको आचार्यले प्रतिक्रिया दिएका छन ।
यता नेकपा एसका नगर प्रमुख उमेदवार बाबुराम दाहालले पनि चन्द्रपुर नगरपालिका वाड नं. २ जुडिबेलाका मतदाताहरु संग भेटेको बताए ।
आगामी वैशाख ३० गतेको स्थानीय तह निर्वाचनका लागि नेकपा एमालेले सबैभन्दा धेरै उम्मेदवारी दिएको छ । विगत साढे चार वर्षमा विकासको नाममा नगरमा भएको आर्थिक अनियमिमततालाई रोकी समृद्ध र विकसित नगर बनाउन आफू मेयरमा उम्मेदवारी दिएको गरुडा नगरपालिकाका नेकपा एमालेका उम्मेदवार कन्थमनी प्रसाद जयसवालले बताए । जयसवालले भने ‘उम्मेदवारी दर्ता गराएसँगै हामी घरदैलो अभियानमा जान्छौँ’, यसपालिकाको चुनावमा प्रचार–प्रसार गर्ने समय कम छ, त्यसैले ढिलाई नगरी जनताको घरघरमा पुग्ने छौँ ।
जिल्लाको १८ वटै तहमा उम्मेदवारहरु भोट माग्न व्यस्त छन ।उनीहरु आ आफ्ना प्रतिबद्घता का साथ मतदाता माझ पुग्न थालेका छन ।
मत माग्दै रौतहटका उम्मेदवारहरु
