धनुषा , २४ चैत //
धनुषाबाट प्रतिबन्धित लागूऔषधसहित एक जना पक्राउ परेका छन् ।
पक्राउ पर्नेमा जिल्लाको कमला नगरपालिका वडा नम्बर ५ स्थित भलुवाहाका २३ वर्षीय पंकज कुमार गुरमैता रहेका छन्।
मंगलबार राति धनुषाको जनकनन्दनी गाउँपालिका वडा नम्बर २ स्थित बल्हागोठस्थित सीमा ईलाकामा बीओपी खजुरीबाट खटिएको सशस्त्र प्रहरीको टोलीले भारतबाट नेपालतर्फ आउँदै गरेको ज९प ७७६ नम्बरको मोटरसाइकल रोकी चेकजाँच गर्दा उनको साथबाट ४९ थान एक सय एमएलको डाइलेक्स डिसि नामक प्रतिबन्धित लागू औषध बरामद भएको हो।
लागूऔषधसहित पक्राउ परेका उनलाई आवश्यक कारवाहीका लागि नेपाल प्रहरीको जिम्मा लगाएको सशस्त्र प्रहरीले जनाएको छ ।
