सप्तरी , १८ चैत //
सप्तरीमा टिपरले बोलेरोलाई ठक्कर दिँदा एकजनाको मृत्यु भएको छ भने अन्य पाँच जना घाइते भएका छन् ।
मृत्यु हुनेमा चालक सप्तरी बोदेबर्साईन नगरपालिका ५ बस्ने वर्ष २६ का शिवराज यादव रहेका छन्।
बिहीबार अपराहन्न साढे ४ बजेकोको समयमा पूर्व पश्चिम राजमार्ग अन्तर्गत सप्तरीको खडक नगरपालिका ५ रंजितपुर स्थितमा पुर्व तर्फ जाँदै गरेको विद्युत कार्यालय बोदेबर्साईन सप्तरीको प्रदेश २०१००१ च ०३३४ नम्बरको बोलेरो गाडीलाई पछाडिबाट ना.७ ख २६५८ नम्बरको टिपरले ठक्कर दिएको सप्तरीका प्रहरी प्रवक्ता डिएसपी माधवप्रसाद काफ्लेले जानकारी दिए ।
यस्तै दुर्घटनामा घाइते भएका बोदेबर्साईन नगरपालिका १० बस्ने वर्ष ३० का शैलेश यादव, वर्ष ३० का महेश चौधरी, वडा नं. ५ बस्ने वर्ष २६ का वृजेश कुमार यादव, वर्ष ३० का जय शंकर साह र सिरहा लहान नगरपालिका ८ बस्ने वर्ष ३५ को अरुण कुमार सिहंको उपचार भइरहेको उनले बताए ।
शवको पोष्टमार्टम गरी परिवारजनलाई जिम्मा लगाएको तथा टिपर र चालकलाई प्रहरीले नियन्त्रणमा लिएर थप अनुसन्धान गरिरहेको जिल्ला प्रहरी कार्यालय सप्तरीले जनाएको छ ।
