रौतहट , १५ बैशाख //
गौर नगरपालिका वडा नम्वर ४ टिकुलियामा नेकपा एकिकृत समाजवादीले चुनावी कार्यक्रमको आयोजना गरेको छ ।
टिकुलियामा आयोजित पार्टी प्रवेश कार्यक्रममा गौर नगरपालिकाको मेयरका उम्मेदवार शम्भु साहले जसपा परित्याग गरि नेकपा एकिकृत समाजवादीमा प्रवेश गर्ने ७ जना नेता एवं वडा स्तरिय कार्यकर्तालाई माला, अविर र खादा ओढाएर पार्टी प्रवेश गराएका छन ।
साहले पार्टीमा स्वागत गर्दै कलम छापमा लहरै मतदान गर्न अभियानको रुपमा अघि बढाउने उनले अपिल गरे ।साह गौर नपाको मेयर पदमा पहिलो स्थानीय तहको निर्वाचनमा समेत उम्मेदवारी दिएर राम्रै मत ल्याउन सफल भएका थिए।
साहले राजनितिलाई निरन्तर रुपमा जारी राखेको कारण यसपाली उनको चुनाव जित्ने प्रबल सम्भावना रहेको नेकपा एसका नेता एवं कार्यकर्ताहरुले विश्वास लिएको छ ।
