रौतहट , २२ चैत //
स्थानिय तहको चुनाव नजिकिएसंगै चुनावको सरगर्मी बढेको छ। बिभिन्न दलका बिभिन्न नेता,कार्यकर्ता चुनावमा उम्मद्वार बन्ने होडबाजीमा लागेका लागि परेका छन्।
व्यवस्था परिवर्तन संगै युवापुस्ताले समेत राजनीतिमा चासो देखाउन थालेका छन्। चन्द्रपुर ३ गैंडाटार स्थायी घर भएका युवा नेता राजु धामी मेयरमा आफ्नो दाबेदारी प्रस्तुत गरेका छन् । धामी नेकपा एमालेका यूवा नेता हुन । उनले चन्द्रपुर नगरपालिकाको समग्र विकासका लागि आफुले मेयरमा चुनाव लड्ने बताएका छन् ।
शिक्षा,स्वास्थ्य,रोजगारी,पुर्वाधार विकास ,पर्यटन प्रबद्र्धन गर्दै युवालाई रोजगारीको अवसर सिर्जना गर्दै समुन्नत नगर बनाउने आफ्नो लक्ष्य रहेको उनले बताए ।नेता धामी समाजसेवा संगसंगै पार्टीको काममा निरन्तर सक्रिय भएको हिसावले समेत पार्टीले मुल्याङकन गरेर आफुलाई टिकट दिने दावी गरेका छन् ।
नेता धामीले पछिल्लो ५ बर्षमा नगरबासीले सास्ती खेप्नु परेको जनगुनासो बढेपछि आफुले केही गरेर देखाउने अठोटका साथ नगरको नेतृत्व लिने योजना बनाएको उनको भनाई छ।
अवका दिनमा पार्टीले युवालाई नेतृत्व दिनुपर्ने बताउँदै नेता धामीले एक पटक आफुलाई मेयर पदमा बिजयी गराउन नगरबासीसमक्ष आग्रह समेत गरेका छन् ।
