महोत्तरी , ८ बैशाख //
अटोमेटिक चाइनिज पेस्तोल र गोलीसहित महोत्तरीबाट एक युवकलाई प्रहरीले पक्राउ गरेको छ।
पक्राउ पर्नेमा बर्दिवास नगरपालिका–१३ बिजलपुरा डाँडाटोल बस्ने २८ वर्षीय लालबाबु भण्डारी रहेका छन् ।
बधुवार साँझ उनलाई डाँडाटोल स्थित विवाहको गाडीमा तोडफोड गर्दै गरेको अवस्थामा प्रहरी चौकी औरही तथा हातिलेटबाट खटिएको प्रहरी टोलीले पक्राउ गरेको हो।
पक्राउ परेका भण्डारीको साथबाट प्रहरीले १ थान अटोमेटिक चाइनिज पेस्तोल, सो को म्याग्जीन १ थान र पेस्तोलमा लोड भएको मिस फायर गोली १ थान बरामद भएको महोत्तरीका प्रहरी प्रवक्ता तथा प्रहरी नायव उपरीक्षक प्रकाश विष्टले जानकारी दिए ।
पक्राउ परेका भण्डारीलाई ईलाका प्रहरी कार्यालय बर्दिवासमा राखी थप अनुसन्धान भईरहेको महोत्तरी प्रहरीले जनाएको छ ।
