महोत्तरी , १६ बैशाख //
लागूऔषधसहित महोत्तरीबाट तीन युवक पक्राउ परेका छन् ।
पक्राउ पर्नेहरुमा बर्दिबास नगरपालिका १४ स्थित सेन्ट्रल पोईन्ट स्कुल नजिक बस्ने २३ वर्षीय दिनेश साह, २४ वर्षीय पोटे भन्ने रामबाबु महतो र २३ वर्षीय चकु भन्ने जित बहादुर मगर रहेका छन् ।
उनीहरुलाई बुधबाबर राति १० बजेको समयमा सेन्ट्रल पोईन्ट स्कुल नजिकबाटै पक्राउ गरेको महोत्तरीका प्रहरी प्रवक्ता डिएसपी प्रकाश विष्टले जानकारी दिए ।
विष्टका अनुसार उनीहरुको साथबाट नाइट्रोभ्याट टेबलेट १२२ चक्की बरामद भएको छ ।
उनीहरुमाथि महोत्तरी जिल्ला अदालतबाट दिन ७ दिनको म्याद थप गरी ईलाका प्रहरी कार्यालय बर्दिबासमा राखेर थप अनुसन्धान गरिरहेको भएको ज्लिला प्रहरी कार्यालय महोत्तरीले जनाएको छ ।
