नम्बर नखुलेको गाडीको ठक्करबाट रौतहटमा एकजनाको मृत्यु

मुकेश कुमार साह, रौतहट १७ बैशाख । नम्बर नखुलेको गाडीको ठक्करबाट रौतहटमा एकजनाको मृत्यु भएको छ । शुक्रवार राति इलाका प्रहरी कार्यालय चन्द्रपुर अगाडी चन्द्रपुर ४ टेकान टोल बस्ने हरि गौतमको को नम्बर नखुलेको गाडीको ठक्करबाट मृत्यु भएको इलाका प्रहरी कार्यालयका डिएसपी सन्तुलाल जयसवालले जानकारी दिएका छन् ।

घटना भए लगत्तै प्रहरी पुगेपनि गाडीको पहिचान हुन सकेको छैन। शव अहिले चन्द्रनिगाहपुर सरकारी अस्पतालमा राखिएको छ। ठक्कर दिने गाडीको खोजी भइरहेको प्रहरीले जानकारी दिएको छ ।