रौतहट ९ बैशाख / नेकपा एमाले पार्टी बाट कटहरीया नपाको मेयर पदको लागि शियाराम कुश्वाहालाई नै सिफारिस गरिएको छ ।
कुश्वाह कटहरीया नपाका मेयर हुन । एमाले कटहरिया नगर कमिटीका अध्यक्ष सोनफी महतोको अध्यक्षतामा बसेको नगर कमिटीले उपमेयरमा कुन्ती देवि साहलाई सिफारिस गरेको छ । नगरपालिका अन्तर्गत ९ वटा वडा मध्ये ६ वटामा वडा अध्यक्षहरुको सिफारिस गरेको छ भने ३ वटामा टुंगो लाग्न बांकी रहेको छ । वडा २ मा हरेन्द्र जयसवाल,३ मा श्यामाकान्त यादव,४ मा चन्दन कुश्वाहालाई सिफारिस गरेको एमाले नगर अध्यक्ष महतोले बताएका छन । त्यसैगरी वडा ६ मा जयराम चौधरी,७ मा हरिभजन साह,९ मा रामाज्ञा यादवको नाम वडा अध्यक्षको टिकटको लागि सिफारिस गरेको छ ।
वडा १,५ र ८ को टुंगो लाग्न बांकी रहेको छ।
कटहरिया नगरको विकासमा पुर्ण समर्पितभै काम गरेको,पार्टी प्रति बफादार र पार्टीको बिश्वासपात्र भएकाले संबिधान अनुसार अन्तिम पटक मेयर पदको टिकटको लागि सियाराम कुश्वाहालाई नै दोह्र्याईएको नगर सभापति महतोले जानकारी दिएका छन ।
कुश्वाहा यस अघिको निर्वाचनमा माओवादी पाटी बाट मेयरमा निर्वाचित भएर एमालेलाई रोजेका थिए ।
