रौतहट ,१६ बैशाख //
रौतहटको फतुवा बिजयपुर नगरपालिकामा एमालेका मेयर उम्मेद्वार बिजय यादव निर्बिज अहिले चर्चा मा छन् ।
यादव अहिले घरदैलो अभियानमा लागेका छन्। आगामी बैशाख ३० गते हुने स्थानिय तहको निर्वाचनमा पार्टीलाई बहुमत दिलाउनका लागि आफ्नो एजेण्डाहरु लिएर उनले प्रत्येक वडा, टोल र घरमा पुगेर मत माग्ने अभियान थालेका छन् ।
यादवले स्थानीय सरकार बाट समाज परिवर्तन र आफ्नो क्षेत्रको विकास गर्नका लागि आफू चुनावी मैदानमा होमिएको बताएका छन् ।
उनि कलाकार तथा समाजसेवीका रुपमा परिचित छन् । पहिलेदेखि समाजसेवा र राजनीतिमा चासो राख्ने उनलाई पछिल्लो समय युवाको नेतृत्वलाई सबैले चाहेकाले पनि उनको चर्चा चुलिएको हो ।
