पर्सा , १६ चैत //
पर्सामा होलीको दिन बेपत्ता भएका युवकको शव फेला परेको छ।
वीरगञ्ज महानगरपालिका २५ का २१ वर्षीय रामा उपेन्द्र साहको शव फेला परेको प्रहरीले जनाएको छ ।
मंगलबार दिउँसो ईनर्वास्थित सिर्सियाँ नदीको किनारमा साहको शव फेला परेको पर्साका प्रहरी प्रवक्ता नायव उपरीक्षक ओम प्रकाश खनालले जानकारी दिए ।
गत चैत ४ गते (शुक्रबार) होलीको दिन हराएपनि उनका बाबुले साथीहरुसँग होली खेल्न गएको छोरा नफर्किएपछि मंगलबार चैत ८ गते प्रहरीमा उजुरी दिएका थिए ।मंगलबार माटो माथि हड्डी देखिएको खबर आए लगत्तै घटनास्थलमा पुगेको टोलीले उत्खनन गरेको थियो ।
शव बोरामा हालेर पुरिएको र सडे गलेको किरा परेको अवस्थामा शव भेटिएको प्रहरीले जनाएको छ ।साहको हत्या गरिएको आशंकामा यसबारे अनुसन्धान भइरहेको जिल्ला प्रहरी कार्यालय पर्साले जानकारी दिएको छ ।
