बारा , ११ चैत //
बाराबाट प्रतिबन्धित लागु औषधसहित १ जनालाई प्रहरीले पक्राउ गरेको छ ।
पक्राउ पर्नेमा सर्लाहीको पर्सा गाउँपालिका २ संग्रामपुर निवासी २० वर्षीय मिथिलेश कुमार मण्डल रहेका छन्।
जितपुरसिमरा उपमहानगरपालिका१ तिनकुने चौकबाट प्रहरी चेकिङ्ग टोलीले चेकजाँच गर्ने क्रममा सर्लाहीबाट काठमाण्डौं जादै गरेको ना ७ ख २६८१ नम्बरको बस जांच गर्दा डिकीबाट लागु औषध बरामद गरिएको बाराका प्रवक्ता एवम् प्रहरी नायब उपरीक्षक राजेश थापाले बताए ।
डिकिमा लुकाई छिपाई राखेको अवस्थामा फेनारगन १ हजार ७ पिस, नुरफिन ९ सय ८६ पिस, डाईजेपाम ९ सय ९७ पिस बरामद गरेको उनले जानकारी दिए ।
बरामद लागुऔषधसहित पक्राउ परेका मण्डलमाथि आवश्यक अनुसन्धान भईरहेको बारा परहरिले जनाएको छ ।
