रौतहट , ११ चैत //
रौतहटमा नम्बर नखुलेको सवारीसाधनको ठक्करबाट एक पैदल यात्रीको मृत्यु भएको छ ।
गएराति पूर्व पश्चिम राजमार्ग स्थित चन्द्रपुर नगरपालिका २ मा नम्बर नखुलेको सवारीको ठक्करबाट ६० वर्षीय पैदल यात्रीको मृत्यु भएको हो ।
पूर्व पश्चिम राजमार्ग अन्तर्गत चन्द्रपुरमा बिहिवार राति १ बजेको समयमा नम्वर नखुलेको सवारीको ठक्करबाट गम्भीर घाइते भएका वृद्धलाई उपचारका लागि कैलालीको निजगढ सामुदायिक अस्पतालमा ल्याएपनि उपचारको क्रममा आज बिहान ३ बजेतिर मृत्यु भएको ईलाका प्रहरी कार्यालय चन्द्रपुरका डिएसपी लिलाराज लामिछानेले जानकारी दिए ।
घटना पश्चात् फरार भएको सवारी साधन र चालकको खोजी भइरहेको उनले बताए ।
