बारा , २० फागुन //
बाराको सिम्रौनगढबाट नक्कली नोटसहित एक जनालाई सशस्त्र प्रहरीले पक्राउ गरेको छ ।
पक्राउ पर्नेमा धनुषाको क्षिरेश्वरनाथ नगरपालिका वडा नम्बर ५ दिगम्बरपुरका १९ वर्षीय विरेन्द्र महतो रहेका छन्।
सिम्रौनगढ नगरपालिका ६ अम्मरपुरस्थित सीमा क्षेत्रमा नहरतर्फ आउँदै गरेको लु ७८ प ३३९७ नम्बरको मोटरसाईकल चेकजाँच गर्ने क्रममा निजको साथबाट तीन लाख नक्कली नोट र १ हजार ५ सय २५ सक्कली रुपैयाँसमेत बरामद भएको सशस्त्र प्रहरी बल बोर्डर आउटपोष्ट गोलागञ्जले जनाएको छ ।
नक्कली नोटसहित पक्राउ परेका उनमाथि आवश्यक अनुसन्धानका लागि नेपाल प्रहरीको जिम्मा लगाइएको सशस्त्र प्रहरीले जानकारी दिएको छ ।
