बारा , ८ चैत //
बारामा ट्रकले मोटरसाइकललाई ठक्कर दिंदा एकजनाको मृत्यु भएको छ ।
मृत्यु हुनेमा जितपुरसिमरा-११ अमाटार निवासी २२ वर्षीय रामबाबु साह रहेका छन्।
सोमबार दिउँसो जितपुरसिमरा उपमहानगरपालिका-३ स्थित सिपर्दी ट्रेडीङ नजिकै वीरगञ्ज पथलैया सडक खण्डमा सिमराबाट जितपुर तर्फ जाँदै गरेको ना.६ ख.४९४२ नम्बरको कन्टेनर ट्रकले सोहि दिशा तर्फ जाँदै साहले चलाइरहेको ना.१९ प.१२७७ नम्बर मोटरसाइकललाई ठक्कर दिंदा मोटरसाइकल चालक साहको घटनास्थलमै मृत्यु भएको जिल्ला प्रहरी कार्यालय बाराका प्रवक्ता राजेश थापाले जानकारी दिए ।
ट्रक र चालकलाई नियन्त्रणमा लिएर अनुसन्धान अगाडी बढाएको उनले बताए ।
