सर्लाही, १३ चैत //
पुर्व पश्चिम लाेकमार्ग अन्तर्गत सर्लाहीको लालबन्दी नगरपालिका १७ र ईश्वरपुर नगरपालिका ५ काे फुलजाेर पुलमा यात्रुबाहक बस दुर्घटना हुँदा चार जनाको मृत्यु भएको छ ।
वीरगन्जबाट जनकपुरतर्फ जाँदै गरेको ना ४ ख ८५५५ नम्बरको यात्रुवाहक बस आईतबार बिहान करिब सवा ११ बजेको समयमा फुलजाेर पुलबाट तल खसेको हाे ।
दुर्घटनामा मृत्यु हुनेहरुको पहिचान खुल्न सकेको छैन । मृतकहरुको शव पोष्टमार्टमका लागि जिल्ला अस्पताल लगिएको र दुर्घटनामा घाइते भएकाहरुको लालबन्दीस्थित स्वास्थ्य संस्थामा उपचार भइरहेको इलाका प्रहरी कार्यालय लालबन्दीले जनाएको छ।
घटना सम्बन्धमा थप अनुसन्धान भइरहेको सर्लाहिउ प्रहरीले जानकारी दिएको छ।
