पर्सा , ११ चैत //
मानव सेवा आश्रम बिरगंज भवनको शिलान्यास गरिएको छ ।
बिरगंज महानगरपालिका वडा नं. १५ लक्ष्मणवामा १८ कठ्ठा जग्गामा सुविधा सम्पन्न भवन निर्माणका लागि मधेश प्रदेशका मुख्यमन्त्री लालबाबु राउतले शिलान्यास गरेका हुन् ।
१८ करोड लागतमा निर्माण हुन लागेको उक्त भवन तीन बर्ष भित्र पूरा गरिने लक्ष्य राखिएको आश्रमका केन्द्रिय अध्यक्ष रामजी अधिकारीले जानकारी दिए।
शिलान्यास कार्यक्रममा मुख्यमन्त्री राउतले भवन निर्माणका लागि प्रदेश सरकारले ३० लाख रकम छुट्याइएको भए पनि जग्गा आभावमा उक्त रकम फ्रीज भएको बताउँदै आगामी आर्थिक वर्षमा यथोचित बजेट उपलब्ध गराउने प्रतिबद्धता ब्यक्त गरे ।
भवन निर्माण मात्र नभई संचालनको गुरु योजना सहितको प्रस्ताव प्रदेश सरकारलाई उपलब्ध गराउन उनले आग्रह समेत गरे ।
कार्यक्रममा संघिय सांसद प्रदिप यादव, महानगर प्रमुख विजय सराबगी सहितको सहभागिता रहेको थियो ।
