रौतहट ५ चैत / नेकपा एमालेको भातृ संगठन राष्टिूय युवा युवा संघ चन्द्रपुर नगर कमिटिले रौतहटको चन्द्रनिगाहपुरको मुख्य चोकबाट सरसफाइ अभियान चलाएको छ ।
समाजिक काममा सक्रिय सहभागिता जनाउदै आएको युवा संघले शनिबार चन्द्रनिगाहपुरको मुख्य चोक सरसफाइ गरेको हो ।
राष्टिूय युवा संघ चन्द्रपुर नगर कमिटिका अध्यक्ष बिक्रम लामाको पहलमा र युवा संघको चन्द्रपुर वाड नं. २ का सचिब सफल उप्रेतिको सक्रियतामा सरसफाइ गरिएको हो । युवाहरुले मुख्य चोक लगायत बिभिन्न ठाउको सरसफाइ गरेको संघका नगर अध्यक्ष लामाले जानकारी दिए ।
केही दिन अघि बृहत रक्तदान गरेको युवा संघ चन्द्रपुरले अहिले सरसफाइ अभियान चलाएको लामाको भनाइ रहेको छ । कार्यक्रममा नेकपा एमालेका जिल्ला कमिटि सचिब बाल बिक्रम कार्कीले अब युवा जागरुक भएर समाजको बिकाशको लागी लागि पर्नु पर्ने बताए ।
समाजको बिकाशको लागी नेकपा एमालेलाइ आगामी निर्वाचनमा बिजयी बनाउने अभियानमा सबै लाग्नु पर्ने सचिब कार्कीको धारणा रहेको थियो ।
सरसफाइ कार्यक्रममा नेकपा एमालेका जिल्ला कमिटि सदस्य जगरनाथ अधिकारी, चन्द्रपुर नगर कमिटि उपाध्यक्ष राजेन्द्र तिवारी,अनेरास्वबियुका केन्द्रिय सदस्य रबि राना,नेकपा एमाले चन्द्रपुर वाड नं. २ का अध्यक्ष शम्भु खड्का लगायत नगर कमिटिका सदस्यहरुको सहभागिता रहेको थियो ।
युवा संघ द्वारा चन्द्रपुर चौक सरसफाइ
