पर्सा , ६ चैत //
पर्सा प्रहरीले मोटरसाइकल चोरेर भाग्दै गरेका एकजना युवकलाई पक्राउ गरेको छ ।
पक्राउ पर्नेमा वीरगञ्ज महानगरपालिका-१४ निवासी २३ वर्षीय सुमन पटेल रहेका छन् ।
होलीको दिन पटेलले वीरगञ्ज-१६ नगवास्थित नेजामुल हक अन्सारीको घरमा पार्किङ्ग गरेर राखिएको ना ५५ प ४९८६ नम्बरको १५० सिसीको पल्सर मोटरसाइकल चोरी गरेका थिए ।
पटेलले सिर्सिया ड्राईपोर्ट भित्र पुरानो कन्टेनरमा मोटरसाइकल लुकाएर राखेको फेला पारिएको जिल्ला प्रहरी कार्यालय पर्साले जनाएको छ ।
पटेललाई नियन्त्रणमा लिएर उनिमाथि चोरीसम्बन्धि मुद्दा दर्ता गर्दै अनुसन्धान अगाडी बढाएको जिल्ला प्रहरी कार्यालय पर्साका प्रहरी प्रवक्ता ओमप्रकाश खनालले जानकारी दिए।
