बारा , १८ फागुन //
बारामा मोटरसाइकलको ठक्करबाट एक वृद्धाको मृत्यु भएको छ । मृत्यु हुनेमा बाराको कोल्हबी नगरपालिका ६ अधन्वा बस्ने ८३ वर्षीया भोलिया देवी थरुनी रहेको प्रहरीले जनाएको छ।
मंगलबार साँझ ७ बजे पैदल हिँडिरहेको बेलामा ना ६४प ७२४ नम्बरको मोटरसाइकलले ठक्कर दिंदा उनि घाइते भएकी थिइन्।
घाइते भएका उनलाई उपचारको लागि वीरगञ्जस्थित सुर्या अस्पतालमा लगिएकोमा राति १० बजे उपचारको क्रममा मृत्यु भएको जिल्ला प्रहरी कार्यालय बाराका प्रहरी प्रवक्ता राजेश थापाले जानकारी दिए ।
ठक्कर दिने मोटरसाइकल भोलिया देवीको घरमा रहेको र मोटरसाइकल चालक बारा कोल्हबी नगरपालिका – ८ का २५ वर्षीय बशिष्ठ चौधरी वडा प्रहरी कार्यालय विर्ता, वीरगञ्जको नियन्त्रणमा रहेको उनले बताए।
