पर्सा , १३ चैत //
पर्साबाट प्रतिबन्धित लागूऔषध अफिमसहित एकजना महिलालाई शसस्त्र प्रहरीले पक्राउ गरेको छ।
पक्राउ पर्नेमा बारा जिल्लाको जितपुरसिमरा उपमहानगरपालिका-७ निवासी ४० वर्षीय रिना देवी रहेकी छन् ।
शसस्त्र प्रहरी बल १३ नम्बर गण पर्साबाट खटेको प्रहरी टोलीले रिना देवीलाई ३ किलोग्राम अफिमसहित नियन्त्रणमा लिएको जनाएको छ ।
नेपालबाट भारततर्फ गईरहेको रिनालाई सशस्त्र प्रहरीले रोकेर वीरगञ्ज महानगरपालिका-१७ भेडियाही आसपास चेकजाँच गर्दा उनले बोकेको ६ वटा पोकाबाट ५ सय ग्रामका दरले ३ किलोग्राम अफिम बरामद भएको शसस्त्रले जनाएको छ ।
पक्राउ परेकी रिनालाई नियन्त्रणमा लिएर आवश्यक कारवाहीका लागि जिल्ला प्रहरी कार्यालय पर्सामा पठाइएको सशस्त्र प्रहरी पर्साले जानकारी दिएको छ ।
