धनुषा , ४ चैत //
प्रतिबन्धित लागुऔषध गाँजासहित धनुषाबाट एक युवकलाई प्रहरीले पक्राउ गरेको छ ।पक्राउ पर्नेमा जिल्लाको सबैला नगरपालिका १३ किरतपुर वस्ने ३२ वर्षीय सन्तोष कुमार यादव रहेका छन् ।
बिहीबार बिहान इलाका प्रहरी कार्यालय यदुकोहाको टोलिले साढे ११ बजेको समयमा शहिदनगर नगरपालिका वडा नं ३ यदुकूहाबाट पक्राउ गरेको पर्हरिले जानकारी दिएको छ ।
सवारी साधन तथा पैदल यात्रीहरुलाई रोकेर चेकजाँच गरिरहेको अवस्थामा यदुकूहा वजार तर्फबाट प्रदेश नं २-०२००४ प ११४७ नम्वरको मोटरसाइकलमा पछाडी बोरामधा लैजाँदै गरेको ९ किलो ७ सय ग्राम गाँजासहित उनलाई पक्राउ गरेको धनुषाका प्रहरी प्रवक्ता जितेन्द्रकुमार बस्नेतले जानकारी दिए ।
उनको साथबाट ६३ हजार नेपाली रुपैयाँ समेत बरामद भएको उनले बताए ।पक्राउ परेका यादवमाथि लागूऔषध मुद्दामा धनुषा जिल्ला अदालतबाट ७ दिनको म्याद थप गरी थप अनुसन्धाधन गरिरहेको जिल्ला प्रहरी कार्यालय धनुषाले जानकारी दिएको छ।
