सर्लाही , ९ चैत //
सर्लाहीबाट प्रतिबन्धित लागुऔषध नाईट्राभेट ट्याब्लेटसहित एक युवक पक्राउ परेका छन्।
पक्राउ पर्नेमा हरिवन नगरपालिका–११ निवासी २४ वर्षीय रोहित लामा रहेका छन्।
मलंगवा नगरपालिका–८ स्थित प्रहरी चौकी गोरखकाली अगाडी खटिएको प्रहरी चेकिङ टोलीले चेकजाँच गर्ने क्रममा शंका लागि लामालाई जांच गर्दा उनको साथबाट २७ पिस नाईट्राभेट ट्याब्लेट बरामद भएको जिल्ला प्रहरी कार्यालय मलंगवाका प्रवक्ता प्रहरी नायव उपरीक्षक माधव प्रसाद बुढाथोकीले जानकारी दिए ।
उनलाई थूनामा राखी लागूऔषध नियन्त्रण ऐन अन्तर्गत कार्बाही प्रकृया अगाडी बढाईएको सर्लाही प्रहरीले जनाएको छ।
