पर्सा , ६ चैत //
पर्सामा टेम्पो दुर्घटना हुँदा चालकको मृत्यु भएको छ भने अन्य २ जना घाइते भएका छन् ।
पर्साको ठोरी गाँउपालिका–४ का ३५ बर्षीय बिर बहादुर विश्वकर्माको घटनास्थलमै मृत्यु भएको प्रहरीले जनाएको छ।
जिल्लाको ठोरी गाउँपालिका–३ मा आइतबार बिहान साढे ३ बजेको समयमा रामनगरबाट बिजयवस्ती तर्फ जादै गरेको प्रदेश २–०३–००१ह ६२८ नम्बरको टेम्पो अनियन्त्रित भई दुर्घटना भएको हो।
घाइते भएका ठोरी गाउँपालिका–३ का खेल बहादुर विश्वकर्मा र बिजय सुनारलाई उपचारको लागी स्थानिय मेडिकल पठाइएको पर्सा प्रहरीले जनाएको छ ।
