धनुषा , १३ चैत //
धनुषामा स्थानीय र प्रहरीबीच झडप भएको छ ।
शनिबार राति साढे ११ बजे स्थानीय सन्तोष कुमार मण्डलले सञ्चालन गरेको शान्ता पान पैलेसमा आगजनीको विषयमा स्थानीयले विदेह नगरपालिका स्थित तिनकौरीया चोकमा बिहानैदेखि सडक अवरुद्ध पारेका छन्।
सोही सडक खुलाउने विषयमा प्रहरीले बल प्रयोग गर्दा झडप भएको जनाइएको छ।
स्थिति नियन्त्रणमा लिन आठ सेल अश्रुग्यास प्रहार गरेको धनुषाका प्रहरी प्रवक्ता डिएसपी जितेन्द्र बस्नेतले जानकारी दिए ।
आगलागीले किरानाको समान तथा कपडासमेत जलेर १० लाख बढीको क्षति भएको छ ।
५० मिटर नजिकै रहेको तीनकौरिय प्रहरीचोकीले राति गस्ती नगर्दा अज्ञात समूअले आगजानी गरेको स्थानीयको आरोप छ ।
डिएसपी बस्नेतले नजिकै घटना हुँदा पनि समयमा थाहा नपाउनु प्रहरीको कमिकमजोरी रहेको स्वीकार गरेका छन् ।
