पर्सा , १६ चैत //
जगदम्बा १२ औं जीतपुरसिमरा गोल्डकप सेमिफाईनल खेल बुधवारबाट सुरु हुँदै छ।
नव जनजागृति युवा क्लबद्वारा आयोजित जगदम्बा १२ औं जीतपुरसिमरा गोल्डकप सिमरा रंगशालामा बुधबार साझ साढे ५ बजेदेखि खेल सुरु हुने जनाइएको छ।
पहिलो खेलमा आयोजक नव जनजागृति युवा क्लब र न्युरोड टिम एनआरटी भिड्दै छन् । आयोजक र ए डिभिजनको एनआरटीबीचको सेमिफाईनल भिडन्त रोमाञ्चक हुने अपेक्षा गरिएको छ ।
आयोजक सुदूरपश्चिमलाई र एनआरटी बिजय युथलाई पराजित गर्दै अन्तिम चारमा प्रवेश गरेका थिए । यसअघि मंगलवार भएको खेलमा साविक बिजेता संकटा क्लबलाई पराजित गर्दै बाग्मती युवा क्लब सेमिफाईनलमा प्रवेश गरेको छ ।
प्रतियोगिताको बिजेताले १० लाख र उपबिजेताले पाँच लाख प्राप्त गर्नेछ । प्रतियोगिता चैत्र १९ गतेसम्म संचालन हुने आयोजकले जनाएको छ ।
