धनुषा , ६ चैत //
करेन्ट लागेर र पोखरीमा डुबेर धनुषामा दुईजनाकोे मृत्यु भएको छ ।
शनिबार दिउँसो करिब दुई बजे जनकपुरधाम उपमहानगरपालिका ११ लक्ष्मण अखडाका १२ वर्षीय कर्ण कुमार दासको अरगजा पोखरीमा नुहाउने क्रममा डुबेर मृत्यु भएको प्रहरीले जनाएको छ।
पोखरीमा डुबिरहेको देखेपछि स्थानीयले उद्धार गरी प्रादेशिक अस्पताल जनकपुरमा लैजाँदै गर्दा दासको बाटोमै मृत्यु भएको धनुषा प्रहरीले जानकारी दिएको छ ।
त्यस्तै जिल्लाको मुखियापटी मुसहरनिया गाउँपालिका ६ वैरियाका २६ वर्षीय ललित यादवको करेन्ट लागेर मृत्यु भएको छ ।
आफ्नै घरमा जडान गरेको मोटरको पानीले भैंसीलाई नुहाउने क्रममा मोटरबाट करेन्ट लागि घाइते भएकोमा यादवलाई उपचारको लागि जानकी हेल्थकेयर जनकपुरमा ल्याएकोमा चिकित्सकले मृत घोषणा गरेको प्रहरीले जानकारी दिएको छ।
