रौतहट , १० चैत //
ईशनाथ नगरपालिकामा अस्पताल र विद्यालय भवनको उद्घाटन गरिएको छ। इशनाथका नगर प्रमुख सन्तोषकुमार मेहताले बुधबार एक कार्यक्रमबीच लक्ष्मीनिया स्थित रहेको अस्पताल र विद्यालय भवनको उद्घाटन गरेका हुन्।
ईशनाथ नगरपालिकाद्वारा निर्मित वडा नम्बर ५ मा आधारभूत स्वास्थ्य इकाईको तीनकोठे पक्की भवन निर्माण पश्चात उदघाटन गरि हस्तान्तरण गरिएको हो।
ईशनाथ नगरपालिका वडा नम्बर ५ लक्ष्मीनिया टोलमा आधारभुत इकाइ अस्पताल र श्री शंकर प्राथमिक विद्यालय भवन लक्ष्मीनियामा निर्माणपछि बुधबार मेयर मेहताले उदघाटन गरेका हुन्।
कार्यक्रममा वडा अध्यक्ष शेखनिसार आलम ईशनाथ नगरपालिकाका प्रमुख प्रशासकीय अधिकृत खेमबहादुर भुजेल नगर उपप्रमुख हुसेन आरा, वडा ९ का वडाध्यक्ष रामबाबुराय यादवसहित नेकपा एमालेका नेता कार्यकर्ताहरूको उपस्थिति रहेको थियो ।
