सर्लाही , ८ चैत //
हत्या षड्यन्त्र गरेको अभियोगमा सर्लाहीका एक जनालाई प्रहरीले पक्राउ गरेको छ।
पक्राउ पर्नेमा सर्लाहीको हरिवन नगरपालिका ९ बस्ने विश्वराज पोखरेल रहेका छन्।
उनलाई म्याग्दीको रघुगंगा गाउँपालिका वडा नम्बर १ तिप्ल्याङबाट म्याग्दी प्रहरीकै समन्वयमा पक्राउ गरिएको सर्लाही प्रहरीका प्रवक्ता एवं डीएसपी माधवप्रसाद बुढाथोकीले जानकारी दिए ।
पोखरेलले आफूविरुद्ध ज्यान मार्ने उद्देश्यले अपराधिक षड्यन्त्र गरेको भन्दै हरिवन ११ का अर्जुन रायमाझी भनिने सिद्धीबहादुर रायमाझीले गत पुस २१ गते दरर्खास्त दिएका थिए ।
प्रहरीमा उजुरी परेपछि सर्लाही जिल्ला अदालतबाट अनुमति लिएर उनलाई नियन्त्रणमा लिइएको बुढाथोकीले जानकारी बताए ।
पक्राउ परेका उनीमाथि यसबारे थप अनुसन्धान भइरहेको सर्लाही प्रहरीले जनाएको छ ।
