रौतहट , १७ फागुन //
रौतहटको कटहरियाका नगर प्रमुख सियाराम प्रसाद कुशवाहाले दुई कोठे विद्यालय भवनको उदघाटन गरेका छन्।
सोमबार एक कार्यक्रमका बिच नगर प्रमुख कुशवाहाले कटहरिया नगरपालिका वडा न.५ अन्तर्गत श्री धन लक्षमी प्राथमिक विद्यालय भवनको उदघाटन गरेका हुन्।
सो भवन नगर स्तरीय योजना बाट करिब १६ लाखको लागतमा निर्माण भएको श्री धन लक्षमी प्राथमिक विद्यालयका प्रधानाध्यापक राकेश साहले बताए।
कार्यक्रममा नगर प्रवक्ता एवम् वडा नम्बर ४ का वडाध्यक्ष चन्दन कुशवाहा,नेकपा एमालेका नगर अध्यक्ष योगेन्द्र साह, कार्यपालिका सदस्य रामप्रवेश साह सोनार, प्रमुख प्रशासकीय अधिकृत रामप्रकाश साह,योजना प्रमुख रामनरेश राय यादव, प्र.अ. जयकिशोर साह लगाएतको उपस्थिती रहेको थियो ।
