रौतहट , ९ चैत //
यातायात व्यवस्था विभागले देशभरका यातायात कार्यालयहरुबाट दिइने सबै प्रकारको सेवा बन्द गर्ने निर्णय गरेको छ।
विभागले सर्भरहरूमा विद्युतीय समस्या देखिएको भन्दै बुधबार अपरान्ह ५ बजेदेखि अनिश्चितकालका लागि सबै सेवा बन्द गर्ने निर्णय गरेको हो ।
विभागका प्रवक्ता लोकनाथ भुसालले एक सूचना जारी गर्दै समस्या समाधान नभएसम्मका लागि सबै सेवा अवरुद्ध हुने जानकारीका दिएका छन् ।
यसअघि विभागले लाइसेन्सका लागि नयाँ आवेदन लिन बन्द गरेको थियो ।
विभागले अब सवारी दर्ता, नामसारी, नवीकरण र कर भुक्तानीसहितका सबै सेवा अनिश्चतकालका लागि बन्द गरिएको सुचनामा उल्लेख गरिएको छ।
