सर्लाही , ६ चैत//
सर्लाहीमा फरार अभियुक्त पक्राउ गर्न पुगेको प्रहरीमाथि कुटपिट भएको छ ।
लालबन्दी नगरपालिका वडा नम्बर १२ र १३ को सीमामा पर्ने झोलुङ्गे पुलमा पत्थरकोट प्रहरी चौकीका इन्चार्ज प्रहरी नायव निरीक्षक (सई) रामएकबवाल यादवमाथि कुटपिट भएको हो ।
बिहीबार राति फरार अभियुक्तलाई पक्राउ गर्न जाने क्रममा उनीमाथि स्थानीय युवाहरुले आक्रमण गरेको सर्लाही प्रहरी प्रमुख एसपी कृष्ण प्रसाईंले जानकारी दिए ।
घाइते यादवको काठमाडौंस्थित नेपाल प्रहरी अस्पतालमा उपचार भइरहेको तथा आक्रमण गर्ने समूह फरार रहेकाले उनीहरुको खोजी भइरहेको उनले बताए ।
