बारा , १ फागुन //
बारामा सुमोले र ट्रकलाई ठक्कर दिंदा ४ जना घाइते भएका छन् ।
आइतबार बिहान जिल्लाको जितपुरसिमरा उपमहानगरपालिका वडा नम्बर २ सिमरास्थित पथलैया-वीरगञ्ज सडक खण्डमा पथलैया तर्फ जाँदै गरेको ना ४ ख ४५०० नम्बरको ट्रक लाई सोही दिशा तर्फ जाँदै गरेको ना १ ज ३५६३ नम्बरको सुमोले पछाडीबाट ठक्कर दिँदा ४ जना घाइते भएको प्रहरीले जनाएको छ।
घाइते हुनेमा वीरगञ्ज महानगरपालिका वडा नम्बर १० अशोकवाटिका निवासी २१ वर्षीय रश्मि महर्जन, भारत बिहार बैशाली जिल्ला करताहा गाउ बस्ने ४८ वर्षीय प्रेम कुमार, बिहार छपरा जिल्ला समतपुर गाउ बस्ने २० वर्षीय साहथद आलम र सिकिन्दर आलम रहेका छन्।
घाइतेहरुलाई सामान्य चोटपटक लागेको र उनीहरुको सिमरास्थित अल्पाईन अस्पतालमा उपचार भइरहेको बाराका प्रहरी नायव उपरीक्षक राजेश थापाले जानकारी दिए ।
घटना सम्बन्धमा थप अनुसन्धान भैइरेको बारा प्रहरीले जनाएको छ।
