रौतहट , २९ माघ //
चन्द्रपुरबाट अवैध सालको चिरान काठ र भ्यानसहित एक जना मानिस पक्राउ परेका छन् ।
पक्राउ पर्नेमा भ्यान चालक वृन्दाबन नगरपालिका वडा नं.१ बलेरी टोल निवासी नवीन बजगाई रहेका छन्।
विशेष सुचनाको आधारमा खटि गएको वन गस्ती टोलीले गएराती करिव साढे १० बजेको समयमा ना.३ च ९६७५ नम्बरको पिकअप भ्यानमा ४२ थान अवैध सालको चिरान गरेको ६८ दशमलब ३ क्यु.फिट लोड काठ बरामद गरेको डिभिजन वन कार्यालय चन्द्रपुरका प्रमुख अमरदेव यादवले जानकारी दिए।
पक्राउ परेका बजगाई सहित उल्लेखित गाडी र काठ आवश्यक कारवाहीको लागि डिभिजन वन कार्यालय रौतहटमा पठाएको उनले बताए।
