पर्सा , १९ माघ //
मोटरसाइकल चोरी गरी भाग्दै गरेको अवस्थामा एक युवकलाई वीरगञ्जबाट प्रहरीले पक्राउ गरेको छ। पक्राउ पर्नेमा वीरगञ्ज महानगरपालिका वडा नम्बर २ निवासी २० वर्षीय मोहमद अली रहेका छन् ।
बाराको फेटा गाउँपालिका–३ का ३१ वर्षीय नरेश प्रसाद साहको नाममा दर्ता रहेको प्रदेश २-०३-०१२ प ५८६ नम्बरको कालो रङ्गको १६० सिसिको अपाचे मोटरसाइकलको लक तोडी चोरेर भाग्दै गरेको अवस्थामा वीरगञ्ज महानगरपालिका–१५ भिष्वा चोकबाट अलीलाई पक्राउ गरिएको पर्सा प्रहरीले जनाएको छ।
गएराति प्रहरी चौकी भिष्वाडाडाँबाट खटिएको गस्ती टोलीले मोटरसाइकल सहित अलीलाई नियन्त्रणमा लिएको पर्साका प्रहरी प्रवक्ता एवं डिएसपी ओमप्रकास खनालले जानकारी दिए ।
पक्राउ परेका उनलाई चोरी सम्बन्धी कसूरमा अनुसन्धान अगाडि बढाएको उनले बताए।
